Muracatê Keyeyan reyna ame redkerdene

Muracatê pêvînîyaşî yê keyeyê Rayberê Şarê Kurdî Abdullah Ocalanî û keyeyanê hîrê tepişteyanê bînan ê ke îmralî de yê reyna ame redkerdene.

Muracatê pêvînayîşî yê birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali  hetê Serdozgerîya Komare ya Bursa  ra ame redkerdene

Reyna muracatê tepişteyanê Îmralî ra birayê Hamîlî Yildirimî Polat Yildirim, birayê Omer Hayrî Konarî Emîn Konar û waya Veysî Aktaşî Melîhe Çeînt û  kênaya ci Eyleme Çetîn bi rayîrê avûkatan amebi kerdene o zî ame redkerdene.

Sebebê redkerdişê muracatan ê hetê dozgerîye zî madeyê “sînorkerdişê derheqê tewqîfkerdeyan de” yê “Qanûnê bi Hûmara 5275î yê Derheqê Înfazê Tedbîranê Ceza û Asayîşî” ame ramotene.