Gerîlayê HPGyî Egîd Îpek serra 2017î de Dêrsim de pêkewtişêk de şehîd bibi. Cenazaya ci 3 serran ra dima pê posta mîyanê kolîyêkî de keyeyê ci rê erşawîyaye. Merkezê Pêroyî yê Komeleya Huqûqnasan ê Azadan (OHD)eşkerayîyêka nuştekîye daye û îfade kerd ke ê do vera nê tewiro ke Îpekî û keyeyê ci rê ame mojnayene muracatê huqûqê neteweyî û mîyanneteweyî bikerê.

Eşkerayîye ame vîrvistene ke selahîyetdaranê dewlete bi serran zanayîşêk nêda keyeyê Îpekî  û menga 2019î de keyeyî ra numûneyê DNA girewt. OHDyî vat: ''Eşkera bi ke cenaza aîdê Egîd Îpekî ya la reyna zî keyeyê ey rê nêdîyaye. 2ê adara 2020î de cenazaya Egîd Îpekî kolîyêk de keyeyî rê erşawîyaye. 

Pêro komelan de hûrmetê mergan zaf girîng o. Hûrmetê mergan erjê merdimîye yo û dewlete neçare ya ke goreyê nê erjî têbigêra. Coka dejê na dadîye yeno manaya înkarê pêro şarê kurdî. Nê esasî ser o ma sey OHDyî vera nê tewiro ke Îpekî û keyeyê ci rê ame mojnayene muracatê huqûqê neteweyî û mîyanneteweyî bikerê û berpirsîyaranê nê serebûtî ra hesab bipersê.''