Polîsanê tirkan serê sibayî Riha û Amed de eşt keyeyan û buroyanê sîyasetmedaran û avûkatan ser. Amed de polîsan eşt keye û buroyanê 4 avûkatan ser û cigêrayîşî ra dima 2 avûkatî destbend kerdî.

Riha de sereştişan de endamê Meclîsê Partîya HDPyî avûkat Metîn Ozbadem, Hemsereko verên ê HDPyî yê Riha avûkate Sevda Çelîk Ozbingol, îdarekaranê verênan ê HDPyî ra Sedat Çelîk, endamê Meclîsê Şaredarîya Sêwregî yê HDPyî Îbrahîm Ayyildiz, xebatkarê Radyoyê Karacadagî Salîh Erbekler û avûkatî Cemo Tuysuz, Emîn Baran, Huseyîn Îzol, Şeyhmus Înal û Hîdayet Enmek ameyî destbendkerdene.

Yeno vatene ke avûkat û sîyasetmedarî bi îdîaya ''hetkarîya rêxistine'' ameyî destbendkerdene.

Yeno pawitene ke hûmara destbendkerdişan do biba zêdêr.