QSD: Hêrişê işxalkeran dewam  kenê

QSDyî pêhesna ke hêrişê îşxalkeran ê vera Rojawanî dewam kenê û bîlançoya 24 saetanê peyênan weşana.

Merkezê Çapemenîya QSDyî  da zanayene ke hêrişê îşxalkeran dewam kenê û derheqê hîrê cepheyan de nê pare kerdî:

‘‘Dewleta Tirkî û çeteyanê ci hêrişê  sivîlanê dewanê Bab El Xêrî û Ebdilheyî yê Zîrganî kerd. Îşxalkeran hêrişê dewanê Rihanîye, Qasimîye, Erbeînî, Amirîye, Feyselîye, Minehîrî û Mehmûdîye yê Til Temirî kerd. Reyna herême heta wesayîtanê hewayî yê bêmerdiman ra ameye bombavrankerdene. Dewê Mesûdîye, Genterîye û Hoşa yê Eyn Îsayî zî raştê hêrişî ameyî. Heman wextî de çeteyan waşt ke bi wesyîtanê leşkerî herêma Xefetsalîmî îşxal bikere. Netîceyê hêrişan de 4 embazê ma şehîd bîyî û 7 embazê ma zî birîndar bîyî.‘‘