Remnayîşê HDPyîjan ame protestokerdene
Remnayîşê HDPyîjan xeylêk bajranê Kurdîstan û Tirkîya de ame protestokerdene. Çalakîyan de mesajê çoknêdayîşî dîya û semedê paştdayîşî ame vengdayene.
Remnayîşê HDPyîjan xeylêk bajranê Kurdîstan û Tirkîya de ame protestokerdene. Çalakîyan de mesajê çoknêdayîşî dîya û semedê paştdayîşî ame vengdayene.
Seba ke endam û îdarekarê HDPyî hetê polîsanê tirkan û MÎTî ra yenê remnayene xeylêk bajaranê Kurdîstan û Tirkîya de çalakîyê potestoyî ameyî kerdene.
Amed de rêxistina HDPyî verê banê Kayapinarî de eşkerayîye daye. Parlamenterî Dersime Dag, Pero Dundar, Remzîye Tosun û hermsereka HDPyî ya Amedî Hulya Alokmen Uyanik û endamê Meclîsê Ciwanîye tewrê ci bîyî. Çalakî de pankarta ''Ciwanîye faşîzmî rê çok nêdano, dano çokdayene'' ame akerdene.
Reyna Wan, Mêrdîn, Şirnex, Îstanbul, Izmir, Adana, Antalya û xeylêk bajaranê bînan ê Kurdîstan û Tirkîya de bi çalakîyan hêrişê hukmatî yê vera HDPyî ameyî protestokerdene. Qiseykerdişan de ame vatene ke rixmê heme zext û hêrişan HDP do çirey çok nêdo û têkoşînê xo pîlêr bikero.