Rûsya de ciwanan tecrîdê Îmraliyî şermezar kerd

Ciwanan herêma Stavropolî ya Rûsya de tecrîdê vera Rayberê Şarê Kurdî Abdullah Ocalanî şermezar kerd.

Qezaya Novo Aleksandrovskî ya herêma Stavropolî ya Rûsya de ciwananê kurdan bi çalakîyêke tecrîdê vera Rayberê Şarê Kurdî Abdullah Ocalanî şermezar kerd.

Çalakîye de nameyê Meclîsê Ciwanan ê Otonomîya Kurdan ser o Nusret Rustemov û Çerkez Ahmedovî qisey kerd.

Ciwanan da zanayene ke Rayberê Şarê Kurdî û têgêrayîşê kurdan vera modernîteya kapîtalîste têkoşîn kenê. Eşkerayîye de hêrişê vera Garê û kerdişê AKP-MHPyî yê vera kurdan zî ameyî şermezarkerdene.

Ciwanan paştdayîşê xo yê seba grevê vêşanîye yê tepişteyan zî ard ziwan.