Sendîkayê îngilîzan seba Ocalanî kom benê

Brîtanya de sendîkayê ke seba azadîya Ocalanî kampanyayêke kenê kombîyayîşêkê dîjîtalî do serûber bikerê. Sendîkayan vat: ''Hînî wext ameyo.''

Brîtanya de sendîkayê ke seba azadîya Ocalanî kampanyayêke kenê kombîyayîşêkê dîjîtalî do serûber bikerê. Goreyê îdarekaranê kampanyaya ''Freedom For Ocalan'' 16ê temmuze de seba azadîya Rayberê Şarê Kurdî Abdullah Ocalanî ê do kombîyayîşêkê dîjîtalî serûber bikerê.

Kombîyayîş hetê Sekretera Verêne ya Yewîya Mamostayan ê Neteperweran Christine Blowe û Dîrektorê Mîyanneteweyî yê sendîkaya Unite Simon Dubbingî ra do bêro îdarekerdene.

Kampanyaya ''Seba Ocalanî Azadîye'' serra 2016î de hetê sendîkayanê Unite the Union û GMByî ra amebî destpêkerdene. 1.5 mîlyon endamê Unite the Union û 800 hezar endamê GMByî estê. Kampanya nika heta sendîkayanê UNITE, GMB, FBU, ASLEF, TSSA, RMT, USDAW, PROSPECT, GFTU, PCS, EIS, TUC, THOMPSONS SOLICITORS, CWU û NEUyî ra yena îdarekerdene.

Dubbinsî vat: ''Ocalanî emrê xo dayo heqanê cinîyan û demokrasîyî. Zîndan de xeylêk kitabî nuştî.''

Kombîyayîş de Parlamenterê Partîya Karkeran Lloyd Russel-Moyle û Sekretero Pêroyî yê Sendîkaya TSSA Manuel Cortes do qisey bikero. 

Sendîkayî, sîyasetmedarê kurd û îngîlîzî do beşdarê kombîyayîşî bibê.  Kesê ke wazenê  zî eşkenê tewrê kombîyayîşê dîjîtalî bibê.