Ciwanê Kobanê: Serkewtiş ê gerîlayan o

Ciwananê Kobanê bale ante şerê gerîlayan ê vera hêrişanê îşxalî ser û pare kerd ke ê bi her hawayî hetê gerîlayan de yê û serkewtiş do ê gerîlayan bibo.

Ciwanê Kobanê destpêkerdişê hêrişanê îşxalî yê 17ê nîsane yê dewleta tirke ra nata seba paştdayîşê gerîlayan meydanan de yê. Ciwananê Kobanê derheqê xoverdayîşê gerîlayan de ANFyî rê qisey kerd.

Wedhe Hemzê pare kerd ke gerîlayî rûmet û estbîyayîşê înan ê. Wedha vat: ''Ma ra çi bêro waştene ma do bikerê. Ma bi her hawayî hetê gerîlayan de bibê. Dewleta tirke do Herêmanê Pawitişî yê Medya de bin bikewa. Armancê dewleta tirke şiknayîşê îradeyê kurdan o la xoverdayîşê gerîlayan do rayîr nêdo ney.''

Îdarekarê Ciwanan ê Herêma Firatî yê PYDyî Mustafa Mihemed Sidiqî ard ziwan ke dewleta tirke bi hetkarîya keyeyê Barzanîyan û bi çeka kîmyewîye hêrişê gerîlayan kena. Sidiqî vat: ''La ma her ca de hetê gerîlayan de yê. Heta key îxanetê keyeyê Barzanîyan do dewam bikero? Ma sey ciwananê Kobanê seferberîye îlan kerde. Hînî wext wextê azadîye yo. Serkewtiş ê gerîlayan o.''

Ciwanê bi nameyê Egîdo ke ereb o vat: ''Ma sey ciwanan qetî nêwazenê dewleta tirke erdê ma îşxal bikera. Coka ma ra çi bêro waştene ma do seba gerîlayan bikerê.''