Komîsyonê  Heqanê Merdiman ê Wanî, Komeleya Hûquqnasan ê Azadan (OHD) û Komeleya Heqanê Merdiman (îHD) derheqê hêrişê vera goristanê Erdîşî yo ke aşma nîsane de ame kerdene de raporêk amade kerd.

Heyetê da zanayene ke înan taxayanê Şarbazar, Panî, Soskênî yê qezaya Erdîşî yê Wanî de gorê ke kerrayê înan ameyî şiktene û ameyî weşanayene zîyaret kerdî û bi merdimanê înan Huseyîn Bozan, Zeynel Abidin Çagan, Mehmet Vefa Kara, Ayşan Kara û Abdulbarî Edemenî pêvînayîş kerdî.

Goreyê raporî leşkerê ke ameyî gorî weşanayî keyeyan rê zext kerd û vato ke ê goran newe ra virazî ê do newe ra bêrê înan birijnê. Reyna pîya bi kerrayanê goran cayo ke tede Quran yeno wendene zî ameyo şikitene. Heyetê da zanayene ke nizdîbîyayîş û tewirê leşkeran xatirayê merdeyan rê heqerat o û no goreyê qanûnî sûc o.Rapor de ame vatene ke  personelo leşkerî ke kerreyê goran şikitî keyeyan ra vat ê pê talîmatê dozgerî goran rijenenê. Heyetê bale ante ser  ke rixmo ke OHAL ameyo wedaritene pratîk de yeno caardene û vat goreyê pêkerdişanê mîyanneteweyî gorê ke cayê taybet ê cuya yê rê mudaxalekerdiş teberê qanûnî de yo û binpaykerdişê heqan o. Derheqê nê hêrişan de ganî pêhesnayeîşê sucî û derheqê babete de pêvînîyîşî bêrê kerdene.

Şûbeyê OHDyî yê Amedî zî raporê xo de dabi zaneyen ke Goristanê Sisê de sereyê serra 2020î ra nata 241 gorî ameyî rijnayene rayapêroyî ra amebi waştene ke wa derehqê babete hîsgêr bo.