Taniş û Denîz ameyî vîrardene

Hemserekê HEDEPî yê Silopî Serdar Taniş û Îdarekarê Partîye yê Qeza Ebubekîr Denîz serrgêra vînîbîyayîşê xo de ameyî vîrardene. Vîrardiş de ame vatene ke kerdox Fermandarê Cendirmeyan Levent Ersoz o.

Qeza Silopî ya Şirnexî de 25ê çeleyî ya 2001î de Hemserekê HEDEPî yê Silopî Serdar Taniş û Îdarekarê Partîye yê Qeza Ebubekîr Denîz bado ke şîyê Fermandarîya Cendirmeyan înan ra reyna xeberêk nêameye girewtene. Serrgêra vînîbîyayîşê înan de Taniş û Denîz ameyî vîrardene.

Aktîvîteya vîrardişî ya ke rêxistina HDPyî ya Silopî de ameye organîzekerdene Parlamenterê Şirnexî Hasan Ozguneş, keyeyî û xeylêk partîyîjî tewrê ci bîyî.

Ceylan Denîz o ke gama ke babîyê ci Ebubekîr ame vînkerdene hema 5 serre bi qisey kerd. Ceylan Denîzî vist vîrî ke bi talîmatê Fermandarê Cendirmeyan ê Bajarî Levent Ersozî Taniş û Denîz ameyî destbendkerdene û vat: ''Wazenê ke serê nê qewimîyayîşî bigêrî la seba ke berpirsîyarî bêrê cezakerdene û  gorêkê ma bibo do têkoşînê ma dewam bikero.'' Babîyê Tanişî Şuayîp Taniş zî vat: ''Kerdox  fermandarê dewrî Levent Ersoz o. Ma 3 reyî bi mergî tehdît kerdî. 2 reyî rî bi bî rayêk zî bi telefonî.'' Parlamenter Hasan Ozguneşî zî vat: ''Senî ke ANAP, DYP, DP tarîx ra esterîyayî, siba do îqtîdarê AKP-MHP zî  do biesterîyo.''