Serekê DYA Donald Durmpî  Planê Haştîye yê Rojhelatê Mîyanênî yo ke sey '' Pêkerdişê seserre'' dabi eşnawitene bi kombîyayîyê çapemenîye yê bi Serekwezîrê Îsarîlî Benyamînî Netanyahuyî eşkera kerd.

Eşkerayîya Turmpî ra tayî cayî wina yê;

“* Îsraîl roşnîyêka serê dinya yo. Ma do testûr nêdê ke  çaxê tarîyî reyna bêrê ciwîyayene.

* Ez bi Mahmud Abbas Beytullahimî de ameya têhet, ez fikiryena ke semedê cuya hîna hole potansîyelê xo ganî bişuxulnê.

*Ez do badê agêrayîşî semedê çareserî dest pê xebatan bikerê.

* No vîzyonê ma yê haştîye sey ê verînan nîyo. Planê ma yê 80 pelan tarîx de cayê xo girewt.

* Bi çareserîya di welaten tehdîtê Fîlîstînê seba Îsraîlî bênê kêm.

* Îsraîlî raya verêne ke xarîta destûrê eşkerakerdişê xarîta da. Seba na gama cesure ez Serekwezîr Benyamînî Netanyahuyî rê spas kena.

*Semedê xarîtaya zelal û hîraye ma do komîsyonêk ronê.

* Mîyanê şertanê ronayîşê dewleta Fîlîstînî ya ameyoxî de redkerdişê terorî esto.

* Qudus do sey paytexto nêcîyakerde yê Îsraîlî bimano.

* Mi seba Îsraîlî zaf çî kerd. Tewr muhîm zî peyser ancîyayîşê pêkerdişê nukleerî yê Îranî yo.

*  Ez wazena ke seba Fîlîstînî zî pêkerdişo hol bo. Ez ganî  seba înan zî zaf çî bikerê ke wa adîl bo.

* Ê do reyna wina ekîba hol nêvînê. Heme pêkerdişanê holan kenê  hetê bînî ra zî ney wazenê.

* Na xarîta Fîlîstînî do dilab bikero, Fîlîstîno ke paytextê ci Kuduso Rojhelat o DYA do sersefîrîye abikero.

* Şarê Fîlîstînî do peynî de bireso şayîye. Bê hetkarîya teberî  karê xo rayîr ra bêrê.  Şarêko serkewte yo.

* Mi birêz Abasî rê mektube nuşte û vat herra ke semedê Fîlîstinijan ameya tahsîskerdene seba înan do 4 serrî akerde bimane.

* Cewabê şima yê nê firsatê tarîxî do ramojno ke şima dewleta Fîlîstînî rê senî rayberîye kenê.

* Rejîmê Îranî zaf bîyo zehîf. Ma terorîsto tewr gird ê dinya Kasim Suleymanî werte ra wedart. Ê pîya bi hîzbulahî çîyanê xiraban dima  bî. Înan vatêne ke semedê azadkerdişê Qudus ê ganî vera Îsraîlî şer bikerê. Bi vatişê dişmenîya  Îsraîlî waştêne ke Rojhelatê Mîyanênî cîya  bikerê.

* Raştîye de Qudus azad û  xelisnaye yo.

*Xetayo ke dinyaya Îslamî 1948î de vera Îsraîlî kerd ke herinda naskerdişî de hêriş kerd ganî nika bêro raştkerdene.

* Seba ke Bahreyn, Emîrîyanê Yewbîyayeyan ê Ereban  û Ûmmana sefîrê xo şawitê tîya, ez înan rê spas kena.''