Umut Kartal: Dewlete kekê mi ra qesasê xo girewt

Tepişteyanê nêweşan ra Vefa Kartal kerdişanê dewleta tirke ra merd. Birayê ci Umut Kartalî pare kerd ke dewlete kekê ci ra qesasê xoverdayîşê rojeyê mergî yê 96 rojan girewt.

Tepişteyo nêweş Vefa Kartalî vizêr Zîndanê Edîrne de dinyaya xo bedilnaye. Birayê Vefa Kartalî Umut Kartalî derheqê babete de ANFyî reyde qisey kerd. Umut Kartal 30ê gulane de saete 19:00 de musayo ke kekê ci merdo. Umut Kartalî da zanayene ke ê nêzanenê birayê ci çira merd û pabeyê raporê otopsî yê. Umut Kartalî pare kerd ke kekê ci Vefa Kartal 42 serre bi û tede nêweşîyê ulser, hepatît-B, tansîyonê berzî, mesele roqela estbî la rixmê nê nêweşîyan zî nêame weşkerdene. 

Umut  Kartalî vat: ''Kekê mi serra 2018î de vera binpaykerdişê heqanê merdiman 96 rojan rojeyê mergî kerd û 4 mengan ra dima Zîndanê Edîrne de kewt şert û mercanê giranêran. Rîyê vîrusî ra ez menga adare ra nata nêeşkîya kekê xo bivîna. Dewlete kekê mi ra qesasê rojeyê mergî yê 96 rojan girewt. Kekê mi vîrusî ra nêmerd, meseleyê bînî yê weşîya ci estbî. ''