Vewra ke Wan û Colemêrg de zaf varaye cuya rojane ser o tesîrêkê pîlî kena.

Vewre û torge ra Miks de 85, Elbak de 55, Şax de 125, Westan de 5, Payîzava de 154, Qelqelîye de 15, Saray de 25, Artemêtan, Ebex, Bêgir û Erdîş de zî 35 bi temamî rayîrê 490 dewan dewekan vewre ra girewte yê.Wan de vewre bi qasê 50 santîmetreyî erd girewt. Colemêrg î quzeyanê ci de zî tay herêman de vewre bi qasê 1.5 metre berz bîye.

Herçiqas vewre rayîrî girewtî zî Şaredarîya Wanî ya ke qeyûm tede ameyo cakerdene kar nêkena. Rayîrê bi seyan dewe û dewekanê ke şaredarîye eşkayêne rojêke de abikera hema zî girewte yê. Naye ra bi hezaran merdimê herêmîyî mexdûr bîyî.

Colemêrg û qezayanê ci de zî vewre bi rojan o ke rayîrî girewte. Îdareyo Taybet ê Şaristanê Colemêrgî xîret keno ke rayîran akero. Seba ke firsendê qîmî çin ê rayîrê bi desan dewe û dewekan hema zî girewte yê.