13ê adare de de taxa Baziqê ya Stewrê Mêrdînî de hemwelatijo bi nameyê Riza Akgul  (34) raştê hêrişê qoricîyêkî û hîrê kesanê bînan ame. Akugulo ke wesayîtê ci de guleyî serê ci de ameyî varnayene dinyaya xo bedilnaye.

Qoricî Huseyîn Akgulo ke merdimê  Riza Akgulî yo û hîrê kesê bînî yê ke Riza Akgul qetil kerd  muameleyê înan qereqol de dewam kenê. Goreyê zanayîşanê ke ameyî girewtene mabênê di keyeyan de rewna husumetêk esto û tewr peynî par vîjnayîşê keyayîye de girdêr bi. Ame zanayene ke wesayîtê Akgulî rê 90 guleyan îsabet kerd. Hêrişkaranê ke Akgul kişt hewteyêk verê ci zî birayê ey derb kerd. Hetê bînî ra leşkeranê tirkî yê ke taxe grewte binê ablûqa destûr nêda ke rêxsitina HPDyî ya Mêrdînî tewrê tezîyeya Akgulî bibo.