Eşkerayîya Fermandarîya Qerargehê Merkezîyî ya YJA-Starî wina ya:

''Endama Konseya Leşkerî ya YJA-Starî embaza Têkoşîne Amanos (Ceylane Yaşar) tebaxa 2019î de hêrişê hewayî yê Herêmanê Pawitişî yê Medya de şehîd bîye. Zanayîşê derheqê embaza ma Têkoşîne de wina yê:

Nameyê Qodî: Têkoşîne Amanos

Name û Peyname: Ceylane Yaşar

Cayê Bîyayîşî: Êlih

Maye-Pî: Sabriye-Îzzet

Tarîx û Cayê Şehadetî: Tebaxa 2019î / Herêmanê Pawitişî yê Medya

Embaza ma Têkoşîne amanos şehîdêka ercîyaye ya têgêrayîşê ma ya. Ma hêverî keyeyê aye yê ercayîyeyî rê û şarê xo yê welatperwerî rê serweşîye wazenê. Ma şexsê embaze Têkoşîne de soz danê ke ma do têkoşînê xo de wayîrê vîrameyîşê şehîdanê xo bivejîyê.

Embaze Têkoşîna ke endama Konseya Leşkerî ya YJA bîye, şer de vera dişmenan qet gamêke apey nêeşte û artêşa dişmene qet nêeşkîyaye embaze Têkoşîne vindera.

Şarê ma û cinîyê perwerî ganî bizanê ke embaza Tekoşîne mîyanê exlaq û kulturê qedimî ra ameye û bi perwerîya nînan cuya xo dîyarîya azadîya cinîyan ê kurdan kerde.  Ma do têkoşînê seba nê erjan pîl bikerê û Rayber Apo azad bikerê. Ma do cinîyan biresnê cuyêka azade.

Nê koyan de têkoşîn û xoverdayîş do ser bikewê. Azadîye do ser bikewa; koletî, teslîmîyet do bin bikewê. Ma sey Fermandarîya Qerargehê Merkezîyî ya YJA-Starî soz danê ke ma do têkoşînê azadîya Kurdîstanî bîyarê ca. Gerîlayê YJA-Starî do çeka embaza Têkoşîne erd de nêverdê.''