Dîya zanayene ke Zîndanê Tîpê Myî yê Êlihî de Seba ke hukmat rîyê nêweşîya Korona ra tayî tepişteyan vera dano û tepişteyanê sîyasîyan mergî rê caverdano tepişteyan sere wedart. Badê  serewedartişê tepişteyan şewat vejîya. 

Goreyê dîmenanê ke medyaya komelkîye de ameyî parekerdene xeylêk ambûlans û îtfaîyeyî sewqê zîndanî bîyî. Dimenan de yeno vînayene ke zîndanî ra dûman bêno berz û vengê serewedartişî yeno. Baroyê Êlihî da zanayene ke koguşan rê hêriş ame kerdene û vat vînîbîyayîşê ganî çîno. HDPyî zî veng da selahîyetdaran ke wa derheqê babete zanayîş bîdê.