'Zînî Wertê warê kurdan o, karê dewleta tirke tede çin o'

''Ganî Hukmatê Başûrê Kurdîstanî hesasîyetê kurdan ser o vindero. Komel, ratîyê sîyasîyî, welatperwerî pê alozîya Zînî Wertê qayîl nîyê. Ez bawer a ke kurdî, bawermend û kokimî do îşxalê dewleta tirke yê vera Başûrê Kurdîstanî qebul nêkerê.''

Rewşêja winasêne de ke dewleta tirke wazena pê Zînî Wertê warê îşxalê xo yê Başûrî hîra bikera gerîlayê HPGyî Çekdar Germîyanîyî derheqê babete de qisey kerd û vat: ''Zînî Wertê warê kurdan o. Çi karê artêşa tirke tede esto?''

Gerîlayê HPGyî Çekdar Germîyanîyî bale ante xoverdayîşê gerîlayanê PKKyî û vat: ''Alozîya Zînî Wertê nêna qebulkerdene. Eke kurdî yew bibê artêşa tirke nêeşkena hêzanê xo uca de ca bikera, ciwanê kurdî zî seba ajanîye, seba pereyan nêrê xebitnayene. Dişmenî wazenê pêro Kurdîstan de serwer bibê.  Eke gerîlayî çin bîyêne destkewteyê kurdan do nêameyêne pawitene. Başûrê Kurdîstanî de kayê dewleta tirke zanîyenê. Hêzê gerîlayan û xoverdayîşê gerîlayan seba Kurdîstanî yo. Kurdan rê çîyêk hewce yo; paştdayîş û pawitişê destkewteyan.

Prensîbê kurdan estê. Ganî Hukmatê Başûrê Kurdîstanî hesasîyetê kurdan ser o vindero. Komel, ratîyê sîyasîyî, welatperwerî pê alozîya Zînî Wertê qayîl nîyê. Ez bawer a ke kurdî, bawermend  û kokimî do îşxalê dewleta tirke yê vera Başûrê Kurdîstanî qebul nêkerê.''

Gerîlayê HPGyî Çekdar Germîyan o ke serra 1987î de herêma Germîyanî de dadîya xo ra bi, peynîya qiseykerdişê xo de wina vat: ''Pêro ciwanê kurdî eşkenê têgêrayîşê PKKyî de ca bigêrê. Erkê kurdan o ke têkoşîn geş bikerê. Seba ke Başûrê Kurdîstanî nêkewo binê lingan çi hewce bibo ganî bêro kerdene. Nika gerîlayê PKKyî vera hêriş û gefan xo ver danê. No xoverdayîşê gerîlayan Şingal, Kerkûk û her şaristanê kurdan de welat paweno, vera DAÎŞî şer keno. Îşxalkeran rê berî do nêrê akerdene. Mesela çi karê artêşa tirke, MÎTî Zînî Wertê de esto? Zînî Wertê ca û warê kurdan o.''