Çalakîya Strasbourgî hetê ciwanan ra ameye dewrgirewtene

Çalakîya roniştişî ya Strasbourgî ya ke semedê Rayberê Şarê Kurdî Abdullah Ocalanî yena kerdene hetê ciwanan ra ameye dewrgirewtene.

Çalakîya roniştişî  ya ke 12ê teşrîna verêne de hetê KCDK-E û TJK-E ra verê Konseya Ewropa de seba azadîya Rayberê Şarê Kurdî Abdullah Ocalanî ameye destpêkerdene, hewteyo peyên de hetê ciwanan ra ameye dewrgirewtene.

Aktîvîstanê Cinîyan ê Ciwanan ê Têkoşeran (TEKO-JIN) û Têgêrayîşê Ciwanan ê Şorişgêran (TCŞ) bi eşkerayîyêke derheqê tecrîdê serê Ocalanî de û polîtîkaya hêrişkare ya dewelta tirke ya ke vera kurdan rayra bena de zanayîş da. Ciwanan vat wextê ci ameyo nika wext wextê rijnayîşê îqtîdarê faşîstî yo. Reyna vera hêrişê îşxalî yê vera Başûrê Kurdîstanî zî nêrazîbîyayîş ame ramojnayene û ame vatene ke kurdî ganî pêro pîya yew bê û vera îşxalkeran têkoşînî pîl bikerê.