Hêzanê Xelisnayîşê Efrînî (HRE) bilançoya çalakîyanê xo yê vera artêşa tirke ya îşxalkere û çeteyanê ci eşkera kerd.

Eşkerayîye wina ya: ''28ê kanûna 2022yî de herêma Babî de vera îşxalkeran di çalakîyê taybetî kerdî. Netîceyê nê wird çalakîyan polîsêk  6 çeteyî ameyî kiştene û 3 çeteyî birîndar bîyî.  Reyna yew vînç ame îmhakerdene û wesayîtêk ame derbkerdene. 3ê çeleyî de dewa Kîmarê de vera baregehê artêşa tirke çalakîye ameye kerdene. Na çalakîye de 2 leşkerê tirkî ameyî kiştene. 8ê çeleyî de herêma Şehba de grûbêka çeteyan kerd ke hêrişê herêma ma bikerî. Hêzanê ma cewabê çeteyan da. Pêkewişan de 2 çeteyî birîndar bîyî û xeylêk çekê înan kewtê hêzanê ma dest. 10ê çeleyî de herêma Babî de netîceya çalakîya suîkastî de çeteyêk ame kiştene. Eynî roje çalakîya bîne de 3 çeteyî ameyî kiştene û doçkayêk ame îmhakerdene. Eynî roje herêma Ezazî de vera baregehekê artêşa tirke çalakîye ameye kerdene. Netîceya na çalakîye de 3 leşkerê tirkî ameyî kiştene û 2 leşkerî birîndar bîyî. Hetê bînî ra herêma Marê de netîceya çalakîya suîkastî de çeteyêk birîndar bi. Netîceya nê çalakîyan de 5 leşker, yew polîs û  10 çeteyî ameyî kiştene û 2 leşker û 6 çeteyî birîndar bîyî.''