Şaredarîya AKPyî semedê cenazaya Adugîtî kepçe nêda

Şaredarîya AKPyî semedê cenazaya sîyasetmedarê kurdî Metîn Adugîto ke zînanê PDKyî de dinyaya xo bedilnaye, kepçe nêda. Merdimê Adugîtî nê serd sipir de binê dereceya kêmîya 20î de pê zengen û huyeyan mezelî kenenê.

Şaredarîya Çaldiranî ya ke HDPyî qezenc kerd la îqtîdarî bi xîleyan dayê AKPyî semedê cenzaya sîyasetmedarê kurdî Metîn Adugîto ke zînanê PDKyî de dinyaya xo bedilnaye, kepçe nêda.

Hemserekê Partîya Herêman ê Demokratîkan (DBP) yê Çaldiranê Wanî yo verên Metîn Adugîto ke zextê dewleta tirke ver şi Başûrê Kurdîstanî û ûca zî raştê zextê PDKyî ame  û 10ê teşrîna peyêne ya 2020î zîndan de dinyaya xo bedilnaye. Selahîyatdaran bi mengan ra dima xebera mergê ey da keyeyê ci. Bi xebata HDPî cenazaya Adugîtî vizêr ardîyaye Bêrê Sînorî yê Xabûrî yê Silopî ya Şirnexî. Cenaza do badê otopsî bêro girewtene. Keyeyê Adugîtî Silopî de paweno.

Merdimanê Adugîtî ke semedê kendişê mezelî Şaredarîya Çaldiranî ya HDPyî ra, ya qezenc kerd la mazbataya Hemserekê Leyla Atsak nêdîyaye ci AKPyî dest na ser, kepçe waşt. Şaredarîye kepçe nêda. Merdimê Adugîtî nê serd sipir de binê dereceya kêmîya 20î de pê zengen û huyeyan mezelî kenenê.