Şaristanane kurdan de qedexeyê çalakîyan dewam kenê

Rejîmê tirkî Colemêrg de reyna qasê 15 rojan pêro aktîvîte û çalakîyî qedexe kerdî.

Şaristanane kurdan de qedexeyê çalakîyan dewam kenê. Rejîmê tirkî Colemêrg de reyna qasê 15 rojan pêro aktîvîte û çalakîyî qedexe kerdî.

26ê sibate de Riha de, 21ê sibate de Mêrdîn de, 2ê sibate de Wan de û reyna  Dêrsim de zî heşt mengî yo  qedexeyê aktîvîte û çalakîyan yeno îlankerdene. Qedexeyî her 15 rojan de yew bi hawayêkê sîstematîkî yenê dergkerdene.

Goreyê raporê Komeleya Heqanê Merdiman a Amedî 4 şaristanan û 13 qezayanê ci de 10 reyî tay herêmî sey 'herêma asayîşê taybetî' ameye îlankerdene. 96 dewan, 8 qezayan de 13 reyî qedexeyê tebervejîyayîşî ame îlankerdene.