Şarê Şengalî xo amade kenê ke 4ê Nîsane roja rojbîyayîşê Rayberê Şarê Kurdî Abdullah Ocalanî pê çalakîyan fîraz bikero. Bi taybetî baxçeyêk de ke dîyarîya Ocalanî ame kerdene xebate yena kerdene.

Viraştişê 'Baxçeyê Serek Apoyî' 4ê Nîsana 2015î de dest pêkerd û 4ê Nîsana 2016î de qedîya. Serra 2017î de baxçe bi girseyî ame akerdene. Serra 2017î de baxçe hetê teyarayanê şerî yê dewleta tirke ra amebi bombavarnayene.

Şerwanê YBŞyî do emser vîrusê Korona ra mabênê xo de rojbîyayîşê Ocalanî fîraz bikerê. Şar zî keye û baxçeyanê xo de do şayîyan bikerê. Şerwanê YBŞyî Helses Koçoyî pare kerd ke hêrişê qirkerî yê 3ê tebaxa 2014î ra nata ê rojbîyayîşê Ocalanî bi girseyî fîraz kenê. Koçoyî vat: ''4ê Nîsane seba êzidîyan rojêka zaf fîraz a. Sayê 4ê Nîsane ma musayî ke vera fermanan xo bipawê.''