Endamanê TEVÇANDî yê gerîlayanê HPG û YJA-Starî bi wesîleya serrgêra ronîyayîşê PKKyî ANFyî rê qisey kerd.

Gerîlaya Sara Dêrsima ke endama TEV-ÇANDî ya vat: ''Partîya ma partîya Rayber Apoyî ya. Ma bi felsefeya Rayber Apoyî ciwîyenê. Ez bi tesîrê Şorişê Rojawanî tewrê partîye bîya. PKK seba mi her çî yo. Dişmen wazeno ma çin bikero. Coka ganî ma wayîrê Rayberîye û PKKyî vejîyê û têkoşînî pîlêr bikerê. Her keso ke gêreno azadîye, eşkeno xo mîyanê nê têkoşînî de bivîno.''

Gerîla Zehredîn Zagrosî vat: ''PKK yew kultur, komel û nasname yo. PKK nameyê cuya newîye yo. PKK de her çî newîtîye ser o ronîyayo. Ewro embazê ma cepheyan de bi ruhê xoverdayîşî yê PKKyî şer kenê. Têgêrayîşo ke Rayberîya ma ronayo mumkîn nîyo ke çin bibo. Ez venga pêro ciwanan dana ke bêrê tewrê refanê azadîye bibê. Ma pîya govenda azadîye bigêrê.''

Gerîla Tolhikdan Hesekê vat: ''Ma hêzê pawitişî yê şarê xo yê. Dişmen nêeşkeno partîya ma çin bikero. Ez venga pêro ciwanan dana ke sereyê xo mearê war, faşîzmî vindarnê. 27ê Teşrîna Peyêne seba şarê Kurdîstanî rojêka fîraz a. Dişmen qetî nêeşkeno moral û hêvîya ma çin bikero. Mîrasê PKKyî ercîyaye yo. Eke şarê ma bi rêxistin bibo û xo îdare bikero do ser bikewo.''

Gerîla Armanc Arîyî vat: ''Mîrasê PKKyî ercîyaye yo. Eke şarê ma bi rêxistin bibo û xo îdare bikero do ser bikewo. PKK û Rayber Apoyî ra nêbîyêne şarê ma do nêresayêne na aste. Eke ewro kurdî şinasîyenê no netîceya keda Rayber Apoyî û PKKyî de bîyo.''