Kurdîstan pê vewre xemilya

Bajaranê Kurdîstanî ke di rojî yo vewre verana de rayîrê xeylêk dewan qefilyayî.

Kurdîstan de xeylêk bajarî binê tesîrê vewre de mendî. Rayîrê hezar 596 cayen ê Amed, Çewlîg, Dêrsim, Erzirom, Colemêrg, Agirî, Idîr, Qers û Sêrtî rîyê varayîşê vewre û cemed û şelapeyî ra qefilyayî.

Amed: Vewre tewr zaf qezayanê Farqîn, Pasûr, Licê, Xanî, Karaz û Pîran de tesîr kerd. Merkezê qezayan pê vewrê xemilyayî. Rayîrê bi seyan dewan qefilyayî.

Çewlîg: Çar rojî yo vewre tesîrê xo ramojna. Rayîrê 281 dewan qefilyayî. Kalinîya vewre cayanê berzan de metreyêke vêrte, cayanê bînan de resaye 70 santîmmetre. Bejrayîrê Çewlîg Erziromî bi zehmetî resî rê akerdeyo, bejrayîrê Mêrdîn Amedî resî rê qefilya.

Dêrsim: Badê qezayan merkezê bajarî de vewre tesîrê xo ramojna. Rayîrê 143 dewan qefilyayî û varayîşê vewre dewamkeno.

Reyna Colemêrg, Erzorom, Agirî, Qers, Idir û Sêrtî rîyê varîyîşê vewre ra rayîrê bi seyan dewan qefilyayî.