Beştaşe: HDP rixmê heme hêrişan sereberz payra yo

Parlamentera HDPyî Merale Daniş Beştaş vat rixmê heme hêrişanê îqtîdarî parîya ma sereberz payra ya.

Parlamentera HDPyî Merale Daniş Beştaş vat AKP bi hêrişan wazeno ke HDPyî  bêtesîr bikero la ê se kenê wa bikerê partîya ma  timûtim sereberz payra ya.

Parlamenteranê hukûqnasan ê HDPyî ra Merale Daniş Beştaş vat: ‘‘Îqtîdar bi qeyûman û operasyonê qirkerdişê sîyasîyî yê vera HDPyî wazeno ke partîya ma bihelîyo û biqedîyo. 2015 ra nata partîya ma raştê hêrişan yena la rixmê heme hêrişan  sereberz payra ya û her vijnayîşî ra bi bihêzî vejîyena. Hetê bînî ra na polîtîkaya hêrişkare ya AKPyî bêçareyîya înan zî ramojnena.  Wazenê pê hêrişan payra bimanê. Îqtîdar bi hêrsê  vîjnayîşanê 31ê adare û 23ê hezîrane hêriş keno. Xora heme embazê ma yê  ke yenê hukmkerdene û zîndnan de yê dosyayê înan vengê. Bi keyfî hêriş kenê û sîyasetmadaranê ma tepişnenê. Ma sey partîyêka demokratîke semedê sîyasetê legalî isra kenê û ma do çirey naye ra fek war nêdê. Înan seba ke îflas kerdo nêeşkenê welatî îdare bikerê îradeyê şarî xesp kenê û qeyûman tayîn kenê. Îqtîdar çend hêrişê xo zêdîneno vera înan cesaret û xoverayîş gird beno. Şar hînî nêterseno. Ê vîjnayîşê verwaxtî û vînîkerdişê îqtîdarî ra tersênê. Coka ganî ma şorê tersê înan ser û semedê vîjnayîşê verwextî israr bikerê.‘‘