Cinîyê HDKyî: Polîtîkayê şerî dişmenîya vera cinîyan pîl keno

Meclîsê Cinîyan ê HDKyî pare kerd ke vera cinîyan kerdişê îqtîdarê AKP-MHPyî netîceyê polîtîkayê şerî yê.

Melîsê Cinîyan ê HDKyî bi wesîleya 25ê Teşrîna Peyêne ya Roja Têkoşînê Vera Şîdetê Serê Cinîyan beyanatêkî weşana.

Beyanatî de ame pare kerdene ke polîtîkayê dişmenê cinîyan û faşîstî taxe, kuçe, dibistan û karan de gef, teda, şîdet  kenê, cinîyan qetil kenê.

HDKyî îfade kerd ke polîtîkayê şerî yê îqtîdarê faşîst ê zere û teberê welatî benê semedê qetilkerdişê cinîyan. 

Beyanatî de ame vatene: "Zîhnîyeto serdest ê camêrdan xîret keno ke her ca de cuye, heqê cinîya, destkewteyanê cinîyan bi teda û polîtîkayê şerî çin biko û estbîyayîşê xo, îqtîdarê xo bi nê hawayî awan biko. Vera nê zîhnîyetî ganî ma têkoşînê cinîyan her ca de pîl bikê."

Beyanatî de bi wesîleya 25ê teşrîna peyêne ame waştene ke têkoşînê rêxistinbîyayîşî yê cinîyan her ca de xurt bibo, destkewteyê cinîyan bêrê pawitene û bi hêvî û birredarîye cinîyî meydanan de bibê.