Ciwanê Başûrî tewrê hemleya 'Wext Wextê Azadîye yo' bîyî

Meclîsê Ciwanan ê Welatperweran Silêmanî de bi şîarê 'Bi ruhê Cengê Heftanînî Îşxalan Çin Bikere, Kurdîstan Bipawe' tewrê hemleya 'Wext Wextê Azadîye yo' ya KCKyî bîyî.

Meclîsê Ciwanan ê Welatperweran Silêmanî de bi eşkerayîyêke tewrê hemleya 'Tecrîd, Faşîzm, Îşxalî rê Bes o, Wext Wextê Azadîye yo' ya KCKyî bîyî.

Ciwanan eşkerayîye de porterê Rayberê Şarê Kurdî Abdullah Ocalanî, Şehîd Elî Çîçek û alaya xo akerdî.

Eşkerayîye hetê Qaneh Xelîlî ra ameye wendene. Eşkerayîye de ame vatene ke dewleta tirke serran ra nata vera Rayberê Şarê Kurdî tecrîdêkê giranî kena û tecrîd vera pêro komelê kurdan zî bi metodanê cîya-cîyayan yeno caardene. Ciwanan îfade kerd ke şiknayîşê tecrîdî peynîya îşxalan do bîyaro. Ciwanan ard ziwan ke ê qet tecrîd qebul nêkenê û têkoşînê vera ci do bikerê pîlêr.

Eşkerayîye wina dewam kena: ''Ma tewrê hemleya 'Wext Wextê Azadîye yo' ya KCKyî. Ma sey ciwan û cinîyan ê welatperweran ê Başûrê Kurdîstanî bi şîarê 'Bi ruhê Cengê Heftanînî Îşxalan Çin Bikerê, Kurdîstan bipawê' tewrbîyayîşê xo îlan kenê.

Pêro ciwanê Başûrî seba azadîya Rayber Apoyî vera tecrîd û îşxalî do pêro qeza û şaristanan de çalakîyan de cayê xo bigêrê.''