Dawaya Ozgur Gundemî de qerar nêbedilya

Dawaya Ozgur Gundemî de qerarê domnayîşê rehîneyîya Kemal Sanciliyî ame dayene.

11. roniştişê dawaya Rojnamegeranê Ozgur Gundemî yo ke bi Qerarnameyê Hukmê Qanûnî amebi qefilnayene, mehkemaya Cezaya Giran a 23ine ya Stenbolî de ame viraştene.

Dawaya ke endama heyetê şêwirmendî  yê weşanî nuştoxe Asli Edogane, ziwannasî-nuştoxe  Necmîye Alpaye zî tede 9 rojnamegerî yenî muhakemekerdene, tena îdarekarê rojnameyî Kemal Sancili tepişte yo. Sancili bi sîtemê SEGBİSî tewrê roniştişî bi. Mudurê Karê Nuştişî  Înan Kizilkaya zî tewrê mehkema bi.

Dozgerî  vat ke şikê remayîşê Sanciliyî esto û waşt tepişte bimano. Heyetê mehkema qerarê dewamê tepiştişî da û roniştişo bîn eşt 10ê Nîsane.