Demîrtaşî muracatê Dayîreyê pîlî yê MHME’yî kerd
Selahattîn Demîrtaşî semedê bicaardişê qerarê serbestveradayîşê ci yê Mehkemaya Heqanê Merdiman a Ewropa muracatê Dayîreyê Pîlî yê MHME’yî kerd.
Selahattîn Demîrtaşî semedê bicaardişê qerarê serbestveradayîşê ci yê Mehkemaya Heqanê Merdiman a Ewropa muracatê Dayîreyê Pîlî yê MHME’yî kerd.
Hemserokê Pêroyê HDP’yî yo verên Selahattîn Demîrtaşo ke sey rehîn yeno tepiştene semedê bicaardişê qerarê serbestveradayîşê ci yê Mehkemaya Heqanê Merdiman a Ewropa muracatê Daîreyê Pîlî yê MHME’yî kerd.
Avûkatanê Demîrtaşî derheqê muracatî de eşkerayîyêk daye û nê pare kerdî: Senî ke yeno zanayene Dayîreyê 2.ê Mehkemaya Heqanê Merdiman a Ewropa qerarê texlîya yê Demîrtaşî dabi. Qerarê MHME‘yî de derheqê madeyê 18. de ame vatene ke Tirkîye qanûnan seba ke muxalefetî bêveng bikero şuxulnena, dadgerîye xoser nêya û Selahattîn Demîrtaş bi sebebanê huqûqîyan nê la bi sebebanê sîyasîyan zere de ameyo tepiştene û waşt ke sebest bêro veradayene. La no qerar nêame bicaardene. Seba bicaardişê nê qerarî ma 19’ê Sibata 2019’î de muracatê Dayîreyê Pîlî yê MHME’yî kerd.