Dore ameye şerê pê metodê Sparta!

Cengê Heftanînî de înanê ke hêverî kewtî verarê erdî, xeta xoverdayîşî mojnaye. Her kesî dî ke serkewtiş senî beno. Cengê Heftanînî mengêk a dewam keno û her çi newe dest pêkeno. Dore ameye şerê pê metodê Sparta.

Cengê Heftanînî 23ê tebaxa 2019î de dest pêkerd. Tewr peyên artêşa TCyî ya îşxalkere 16ê hezîrana 2020î de operasyonêko pîl Heftanîn de da destpêkerdene. Gerîlayî pê xoverdayîşêkê pîlî derbanê giranan danê îşxalkeran ro. Hol o, Heftanîn de çi qewimîyeno?

Heftanîn xo ver dano. Kurdîstanijan û koyanê Kurdîstanî cara verêne ciwanê wina çêr û rindî dîyî. Bawerîya gerîlayan kena ke her kes têkoşîn bikero. Gerîlayî Heftanîn de destanan nusenê. Aseno ke no şer do hema dewam bikero û pêro Başûrê Kurdîstanî rê tesîr bikero. Ya gerîlayî pê şorişî rojêke şîyar benê yan zî Kurdîstan do tarîx binuso. Îşxalkerîye û xoverdayîş mengêk a ke dewam kenê.

Wezîrê Karanê Zereyî yê Tirkîya Mevlut Çavuşogluyî selahîyetdaranê Hukmatanê Iraq û Başûrê Kurdîstanî reyde pêvînayîş kerd û dima tirkmenan reyde zî ronişt. 12ê hezîrana 2020î de zî Şêwirmendê MÎTî Hakan Fîdanî Hıkmatanê Iraqî û Başûrê Kurdîstanî reyde bi nimitkî pêvînayîş kerd. Verê cû zî alozîya Zînî Wertê viste rojdem. Gelo nê rojdemî pêro seba meşxulkerdişê çita bîyî? Dima 12ê hezîran û 15ê hezîrane de Mexmûr, Qendîl û Şingal ser o bombayî ameyî varnayene. Aslê xo de Cengê Heftanînî 23ê tebaxa 2019î de dest pêkerdbi labelê dewleta tirke 16ê hezîrane ra nata pê pêro hêzê xo hêrişê Heftanînî kena.

Heftanîn de şewêke de panc reyî warê Xantûrî ser o bombayî ameyî varnayene. Artêşa TCyî waşt leşkeranê xo pê helîkopteran war de ca bikera labelê derbî werdî û neçare mendî ke xo tepîya bianca. Artêşa TCyî derbê giranî werdî û her ca de sloganê 'Tîya Heftanîn o' berz bi.

Gerîlayan her ca de derbî dayî piro. Ne SÎHA ne zî ÎHAyî pê gerîlayan nêeşkîyayî.

Dewleta tirke pê paştdayîşê hemkaranê xo, kontrayanê xo û hêzanê mîyanneteweyîyan hêrişê Heftanînî kena. Vejîyayîş û dekewtişê Heftanînî de pêşmergeyê PDYî ameyî cakerdene. Nê ge ge dewleta tirke reyde pêvînayîş zî kenê ke na mesele bena sebebê şikan.

Gwerîlayê HPG û YJA-Starî bîyî teqîbkerdoxê pratîkê newe ra awanbîyayîşî. Moral û îradeyê têkoşînî ra bigêrê her çi Heftanîn de yo. Heftanîn de perwerîya seba azadîye yena dîyene. Na perwerîye bawerî û felsefeya Rayber Apoyî ra yena.

Warê Xantûrî, Baktorya, Metîna, Şehîd Adar, Şehîde Bêrîvane, Dûbişkê û Şeşdara de şer giran o. Dişmenî heta nika pê vînkerdişê giranî xo resna waranê Şehîd Adar, Qesroke, Tepê Koordîne, Şeşdara, Şehîd Hamza, Xantûrî. Nê waranê pêroyînan de gerîlayî vera îşxalkeran şer kenê.

Cengê Heftanîn de înanê ke hêverî kewtê verarê erdî xeta xoverdayîşî mojnaye. Mojna her kesî ke serkewtiş senî beno.

Aseno ke şer do dewam bikero. Heta nika tewr tay 200 îşxalkerî kişîyayî. Nêzdîyê 18 gerîlayî şehîd bîyî. Koyî do qet nînan ra fek vera nêdê ke oxirê ci de canê xo dayî.

Cengê Heftanînî de aşmêke qedîyaye. Yanî ceng newe dest pêkeno. Nika dore ameye şerê pê metodê Sparta. Cengê Heftanînî newe dest pêkeno!