Fermandarîya Botanî kontrayî hîşyar kerdî

Fermandarîya Warê Botanî ya HPGyî grubê kontrayanê ke dewleta tirke binê nameyê hingdarîye de şawitî Botanî hîşyar kerdî.

Fermandarîya Warê Botanî bi eşkerayîyêka nuştekîye bale ante ser ke falîyetê kontrayî zêdîyenê. Eşkerayîye de ame vatene ke dewleta tirka ke gerîlayan ra darbê giranî werdî Botan de bitaybetî binê nameyê hingdarîye de falîyetê kontrayî zêdînayî.

Eşkerayîye de ca dîya nînan: ''Arêtşa tirk a îşxalkera ke herêmanê ma de operasyonê îşxalî dayo destpêkerdene çarçewa Hemleya Şehîde Medya Mawa û Şehîd  Rizgar Geverî de derbê giranî werdî. Dewleta tirka ke rixmê heme îmkananê xo yê teknîkî nêeşkena gerîlayan sey her wextî kayê leyminî yê şerî vistî dewre. Dewleta tirka ke demê peyênî de hetê gerîlayanê serkewtişî yê ke bi Modernîteyê Demokratîkî bîyî profesyonel têdima derbê giranî werdî, warê Botanî de bitaybetî binê nameyê hingdarîye de falîyetê kontrayî zêdînayî. Grubê ke bi nameyê hingdarîye şawîyenê herême cayê embazanê ma deşîfre kenê. Nê xiretkerdişê dewleta tirke yê vera gerîlayan ramojneno ke ê senî eciz bîyî û bêçare yê. Bêşik o ke do gerîla û şarê ma cewabê nê nînan bido. Wa bêro zanayene ke nê kontrayê ke Gerîlayanê Azadîye yê Kurdîstanî hedef genê ê hedefê hêzanê ma de yê. Ganî welatperwerê erjîyayê zî vera nê kayanê îşxalkeran hîsgêr têbigerê.''