Domananê koyan ra Şehîd Brûsk Reşîtî mîrasê têkoşînî keyeyê xo yê welatperwerî ra girewt. Şehîd Brûsk şaristanê rengînî Mêrdîn de dadîya xo ra bîyo û serra 2018î de tewrê gerîlayan bi. 

Embazê ci yê têkoşînî wina qala Şehîd Brûskî wina kerde: ''Mi embaz Brûsk serra 2016î de şinasna. Fermandarê yewina ma bi. Qasê 1,5 serre ma pîya mendî. Ez ey ra zaf çîyan musaya. Seba ke wextêk Îsraîl de mend ma tira vatêne yahûdî. Embaz Brûskî doman, kokim, her kesî reyde têkilîye ronayêne. Tim bi mesuldarîya şorişgêrîye têgêrayêne. Bi taybetî verê ciwanan de tim hîsger bibi. Embaz Brûskî bi seatan ciwanan reyde sohbet kerdêne û seba ke ciwanî tewrê têkoşînî bibê destê ci ra çita ameyêne kerdêne.  Ge ge ey mi rê vatêne: 'Wa ciwanî herinda ke sîstemî rê xizmet bikerê wa tewrê têkoşînî bibê.' 

Embaz Brûskî tim bi xîret û kede mesuldarîya şorişgêrî ardêne ca. Ey zaf hol zanayêne ke senî nêzdîyê embazan bibo.''

Brûsk Reşît serra 2017î de şino Botan. 30ê temmuza 2020î de hêrişêkê hewayî de embazê xo reyde beno şehîd.

Nameyê Qodî: Brûsk Reşît

Name û Peyname: Seyîdxan Acay

Cayê Bîyayîşî: Mêrdîn

Maye-Pî: Rûkiye-Selahattîn

Tarîx û Cayê Şehadetî: 30ê Temmuza 2020î /Gabar