Gerîlatîye caardişê xeyalanê domanîye ya

Gerîlayî merdimê ke nêwazenê xeyalanê domanîye xo rê îxanet bikê. Komelê nê kesanê ke têna xeyalan nêkenê, xeyalanê xo dima yê û xîret kenê ke nînan bîyarê ca.

Senar Mete (Hakî Şîyar) o ke vervatoxê ciwanan bi û bi nê hawayî rayberîya çalakîya mertalê ganî kerd û dima tewrê gerîlayan bi û 24ê teşrîna peyêna 2019î de şehîd bi. Her hêla cuya xo ya gerîlayî newe ra viraşt û nuşteyê zo de zî naye ra behs kerd.

Senar Mete serra 1982î de Tatwanî de dadîya xo ra bîyo û keyeyêkê welatperwerî de bîyo pîl. Sey zaf ciwananê kurdan neçare mend ke erdê xo ra koçê metropolanê Tirkîya biko. Sener Meteyî mabênê serranê 2000 û 2005î de bi hawayêkê çalakî tewrê têkoşînê azadîye yê kurdan bi.

Seba ke heqê kurdan yenê binpaykerdene û seba çareserîyêka demokratîke Kurdîstanî de komêke ciwanan serra 2005î de xo resnaye Qendîlî û bi beyanatêkê çapemenîye waştişê xo vatî Senat Mete zî vervatoxê na kome bi. Mete tewrê gerîlayan bi û Behdînan, Zap, Xinerê û Xakurke de têkoşîn kerd. Her hêla cuya xo ya gerîlayî newe ra viraşt û nuşteyê zo de zî naye ra behs kerd.

Senar Meteyî 24ê teşrîna peyêna 2006î de nuşteyêkê xo de behsê gerîlatîye kerd:

"Ganî merdimî senî gerîlatîye bikê ke hîna zêde menadar bibê û biciwîyê? Gerîlatîye bi nameyê merdimîye û şarî tewirêko têduşt û azadîye ya. Vera zorbazîya barbare teslîmnêbîyayîş û alaya xoverdayîşî ya. Tay kesî estê ke vanê mîyanê gerîtîye de karê domanîye senî benê? Domanî wayîrê dinyayêka cîya yê, sey hewn û xeyalan seke gêrenê menayêke.  Gore mi hewn û xeyalê domanan pakî yê. Wexto ke merdim çarçewa gerîlatîye de biewnê eşkeno vajo ke gerîlatîye komelê ê merdiman o ke nêwazenê xeyalan xo rê îxanet bikê. Komelêko xeyalperest nîyo ney. Labelê komelê înan xeyalan dima yo û xîret keno ke xeyalanê xo bîyaro ca. Domanî her hêla cuya xo sey kayî ciwîyenê. Mabênê gerîlatîye û domanan de zî cîyatîyêke çin a. Labelê kayê gerîlatîye tayêk bitehlûke yê."