Merkezê Kultur û Hunerî yê Cemîl Horo yê Helebî seba averberdişê wesfê doman û ciwanan kursê muzîk, resim û folklorî akerdî.

210 wendekarî yê ke tewrê kursan bîyî, her qisim sey 14 kesî grûban ameyî cîyakerdene. Kursan de hewteyêk perwerdeyo teorîk do bêro dayene dima ra zî kursê resim, muzîk û folklorî hetê 10 mamosteyan ra bêrê dayene. Îdarekarê merkezî Ferîd Sirûrî vat ke şar bi eleqedarîyêka pîle domananê xo şiraweno kursan, amacê ma tena averberdişê wesfê domanan nêyo, heman wextî de zanayîşê kulturî xo yo.