‘Heta bicaardişê waştişanê xoverdayoxan ma kuçeyan de yê’

Dêrsim de çalakîya roniştişî ya ke bi şîarê ’’Veng bidê cuye wa mergî mebê’’ yena viraştene vizêr roja 16. de dewam kerde.

Çalakîya roniştişî ya rêxistina HDP’yî ya Dêrsimî ya ke semedê paştdayîşê grevê vêşanîye û rojeyê mergî yê vera tecrîdkerdişê Rayberê Şarê Kurdî Abdullah Ocalanî, yena viraştene vizêr roja 16. de dewam kerde.

Meydanê Seyîd Rizayî yê Dêrsimî de bi çalakîya roniştişî bale ancîyaye grevê vêşanîye yê ke rayberîya Leyla Guvene de yenê kerdene ser. Temsîlkarê partîyanê sîyasîyan û dezgehan, hunermend Metîn Kahraman û xeylî hemwelatijî tewrê çalakîye bîyî. Çalakîya ke binê ablûqaya polîsan de reya 16’ine ameye viraştene de ame vatene ke waştişê xoverdayoxan waştişê ma yê û heta bicaardişê nê waştişan do çalakîya ma bêro domanyene.