HPG: Pasûr de sivîlî nê 7 kontrayî ameyî kiştene

HPG’yî çalakîya Pasûrî girewte xoser û vat Pasûr de sivîlî nê 7  kontrayî  ameyî kiştene. Reyna Şemzînan û Xakurkê de zî 7 leşkerî ameyî kiştene.

Merkezê Îrtîbat û Çapemenîye yê HPG’yî eşkerayîyêk daye û nê detayê çalakîyanê gerîlayan û hêrişanê artêşa Tirkî pere kerdî:

Xakurkê û Şemzînan 7 Leşkerî Ameyî Kiştene

Mintiqaya Ermûşî ya Xakurkê de 20’ê Êlule de (ewro) îşxalkarî ameyî pirodayene. Çalakîya sabotojî ya ke Qilê Şehîde Sarya de ameye viraştene de 3 leşkerî ameyî kiştene û 2 zî birîndar bîyî. Qezaya Şemzînanî ya Colemêrgî de 18’ê Êlule de leşkerê ke Qilê Leylekî de ameybî cakerdene ameyî pirodayene la hûmara merde û birîndaranê dişmenî nêameye zelalkerdene. Heman roje reyna çalakîyê ameye viraştene, 4 leşkerî ameyî kiştene û sîlehêko giran A-4 ame îmhakerdene.

Pasûr de Sivîlî nê  Kontrayî Ameyî Kiştene

12’ê Êlule de  mintiqaya Berokî ya ke mabênê Mûş û qezaya Pasûrî ya Amedî de ya vera kontrayan çalakîya sabotajî ameye viraştene. Çalakîye de 7 kontrayî ameyî kiştene û 10 zî birîndar bîyî. Dewleta Tirkî ya faşîste û medyaya ci reyna bi zuranê girdan nê kontrayî sey kesê sivîlê ke kolîyan arêdanê ramojnayî û bi rojan bi naye propaganda kerde. Şarê ma zaf hol zano ke şaro sivîl heta qoricîyê normalî hetê hêzanê ma ra nênê hedefgirewtene. Tîya kesê ke ameyî kiştene senî  ke dewleta Tirkî vana ne sivîl ê ne zî koricîyê normal ê. Nê kontra yê, hetê dewleta Tirkî ra Mûş Pasûr û Êlîh ra ameyî ardene û sey birra qetilkaran vera Têgêrayîşê Azadîye yê Kurdistanî yenê şuxulnayene.

Herîşê Hewayî

Teyareyanê şerî yê artêşa Tirkî  19’ê Êlule de Avaşîn de mintiqaya Werxelê, Qendîl de dormeyê dewanê Bêpalan û Bêreşe û heftanîn de zî Qilê Partîzanî, 16’ê menge de zî Gare de mintiqaya Gundê Guzê û dormeyê dewa Yekmalê bombardûman kerdî. Nê hêrişan de vînîbîyayê ma çîn ê.‘‘