Keyeyê Er û Dagî roşnvîranê Silêmanî reyde kom bîyî

Keyeyanê Mazlûm Dag û Abdulrahman Er ê ke înan rê cezaya îdamî dîyaye, ver xo da Başûrê Kurdîstanî û roşnvîran reyde qisey kerd.

19ê temmuza 2020î de îdarekarê MÎTî Osman Kose Hewlêr de kişîya. Serebûtî ra dima ciwanê kurdî Mazlûm Dag û Abrulrahman Erd hetê Asayîşê Hewlêrî ra tepişîyayî û înan rê cezaya îdamî dîyaye.

Dadî û babîyanê Dag û Erî Vakurê Kurdîstanî ra verê xo da Başûrê Kurdîstanî. Keyeyî hetanê sîyasîyan de qisey kerd û waşt ke domanê înan nêrê dardekerdene.

Keyeyî vizêr zî Silêmanî de roşnvîran reyde kom bîyî. Keyeyan roşnvîran ra paştdayîş waşt. Roşnvîran zî paştdayîşê xo ardî ziwan û pare kerd ke nêbeno ke ciwanê kurdî hetê îdareyêkê kurdan ra bêrê cezakerdene.