Dîwanê Hemserekîye yê KONGRA-GELî bi wesîleya rojbîyayîşê Rayberê Şarê Kurdî Abdullah Ocalanî eşkerayîyêka nuştekîye daye.

Eşkerayîya KONGRA-GELî wina ya:

''Rojbîyayîşê Rayber Apoyî destpêk de keyeyê ci rê, keyeyanê şehîdan, şarê Kurdîstanî û Rojhelatê Mîyanênî, pêro embazan, cinîyan û merdimîye rê fîraz bo.

Roja 4ê Nîsane rojbîyayîşê Rayber Apoyî tarîxê Kurdîstanî de rojbîyayîşê 'kurdê azadî, cinîya azade û komelê azadî' yo. Hêla vurîyayîşê çarenusê kurdan o, destpêkê raştîya cuya azade yo. Coka ma eşkenê vajê ke şarê Kurdîstanî bi se serran pabeyê na roje bi.

Pê Manîfestoyê Azadîye û rayberîya cinîyan ê azadan, Kurdîstan û Rojhelatê Mîyanênî de cuya azade û demokratîke ya şaran awan bîye. Paradîgmaya Rayberîye pêro dinya de veng vete, seba cigêrayîşanê şaran, ê karkeran û cinîyanê dinya bîye hêvîyêka pîle.

Coka azadîya Rayber Apoyî têna seba şarê Kurdîstanî nê, seba pêro cinîyanê dinya, şaranê azadîwaştoxan û merdimîye qey averşîyayîşî hewce ya.

Rejîmo faşîst ê dewleta tirke wazeno ke nê wextê vîrusê Korona de tedaya vera Rayber Apoyî û Kurdîstanî zêdêr bikero. Ganî planê ci bêro batalkerdene. Ganî bi taybetî rayberîya cinîyan û şarê Kurdîstanî û Rojhelatê Mîyanênî de azadîya Rayber Apoyî bêra kerdene rojdemê yewînî. Çunke azadîya her kesî pabesteyê azadîya Rayber Apoyî ya. Nê prosesê nêweşîya ancî vînayîşê Rayber Apoyî îsbat kerdî. Na raştîye ra ganî her kes azadîya Rayber Apoyî sey azadîya xo bivîno û seferber bibo.

Seba azadîya Rayber Apoyî û demokrasîyê şaranê Rojhelatê Mîyanênî, seba şiknayîşê tecrîdê Îmraliyî û çinkerdişê faşîzmê dewleta tirke, ma venga her kesî danê ke pê berzkerdişê têkoşînê xo ma serra 2020î bikerê serra azadîye.

Rojbîyayîşê Rayber Apoyî, rojbîyayîşê 'Kurdê Azadî' seba pêro teqîbkerdoxanê cuya azade fîraz bo.''