Nobetdarê nê hewteyî temsîlkarê dezgehanê êzidîyan ê

Temsîlkarê dezgehanê êzidîyan tewrê çalakîya 'Nobeta Seba Ocalanî Azadîye' bîyî û înan seba ke tecrîdê vera Rayberê Şarê Kurdî biqedo veng da.

Çalakîkerê 'Nobeta Seba Ocalanî Azadîye' yê nê hewteyî temsîlkarê dezgehanê êzidîyan ê Ewropa bîyî. Dezgehanê êzidîyan ê Ewropa ra Xebat Agirman, Cahît Zerdeştî, Hasan Çakmak û Miho Atan nobetdarê nê hewteyî yê.

Xebat Agirmanî nameyê kome ser o qisey kerd û îfade kerd ke esîrîya Rayberê Şarê Kurdî Abdullah Ocalanî seba înan nêno qebulkerdene. Agirmanî bêvengîya Komîteya Vergirewtişê Îşkenceyî û dezgehanê Ewropa rexne kerde û vat: ''Karê CPTyî yo ke îşkence û meseleyê tecrîdî yê tepişteyan çareser bikero.'' Xebat Agirmanî venga şarê kurdî da ke her ca de wayîrê Rayberê Şarê Kurdî Abdullah Ocalanî bivejîyo. Agirmanî vist vîrî ke dewleta tirke Şingal, Rojawan, Başûr û Vakurê Kurdîstanî de vera kurdan şer kena û kurdî zî vera nê hêrişan xo ver danê. Agirmanî vat vera nê hêrişan pawitişê Rayberê Şarê Kurdî Abdullah Ocalanî cewabêko tewr girîng o.

Êzidîyan heta nika zaf reyan seba Azadîya Rayberê Şarê Kurdî Abdullah Ocalanî nobete girewte.

Tabaxa 2016î de îdarekaranê Meclîsê Diaspora yê Şingalî zî tede xeylêk êzidîyan seba qedînayîşê tecrîdê vera Rayberê Şarê Kurdî Abdullah Ocalanî dest pê grevê vêşanîye yê bêdem-bêagêrayîşî kerdbi.