PKKyî şehîd Dijwar Botan yad kerd

Komîteya Paştdayîşî ya bi Keyeyanê Şehîdan a PKKyî şehîd Mehmet Saîr Demîr yad kerd.

Komîteya Paştdayîşî ya bi Keyeyanê Şehîdan a PKKyî bi eşkerayîyêke Mehmet Saît Demîr (Dijwar Botan) yad kerd ke 7ê kanûna 2019î de krîzê qelbî ra şehîd bî.

Eşkerayîye wina ya:

"Embazê ma Mehmet Saît Demîr serra 1973î de qezaya Dihê ya Sêrtî de ame dinya û serra 1992î de Mersîn de tewrê têkoşînê azadîye bî. Embazê ma Dijwar Botanä 7ê kanûna 2019î de krîzê qelbî ra tewrê kerwanê şehîdan bi û mîrasêkê têkoşîn o pîl dima xo de verda.

Embaz Botan têkoşînê xo yê 27 serran de Vakur, Rojawan, Başûrê Kurdîstanî de û her cayo ke hewce bibi de bi hawayêkê serkewteyî wezîfe û berpirsîyarîyê xo ardî ca. Şehadetê embaz Dijwar Botanî seba ma vînbîyayîşêko pîl bi.Embaz Dijwar wexto ke gerîlayêko ciwan bi çalakîyêka vera îşxalkeran de birîndar bi û lingêkê xo vîn kerd. Seba weşkerdişî şî Sûrîye û Rojawan û heta serra 2001î asta tewr berze de kar kerd.Bi bira têgêrayîşî embaz Botan embazanê xo reyde serra 2001î de agêrayî koyanê azadan û zaf karê cîyayî kerdî.

Embaz Botan karê perwerdekarîye kerde, rastîya şarê kurdî, ziwan, kultur û tarîxê kurdan ser o xebata xorine kerde. Zaf kitabê partîyîjan û partîye çarnayî kurdkî û têgêrayîşêko girîng averşîyayîşê ziwanê kurdkî de kerd. Embaz Botan wextêkê dergî karê şehîdan de zî ca girewt. Embaz Dijwar her tim bi kedkarî û zerrîrehmîya xo hetê embazanê xo ra do bêro vîrameyene. Ma sey embazanê ci soz danê ke ma xeyalê şehîdanê xo bîyarê ca. Nê esasî ser o şexsê embaz Dijwarî de ma pêro şehîdan bi rêzdarî yad kenê, sozê xo dibare kenê ke ma do rayîrê Rayber Apoyî de rêçê şehîdan de bi qerardarîye têbigêrê.''