Qeraro tarîxî yê Belçîka: PKK rêxistina terorî nîya

Dewaya Belîçîka ya ke dewleta tirke berdebî temyîzî ra qeraro tarîxî vejîya. Mehkemeya Berze ya Belçîka qerarê Mehkemeya Cêrêne yê PKK rêxistina terorî  nîya tesdîq kerd.

Mehkemeya Îstîsnafî ya Belçîka serra 2019î de qerarê PKK ‘rêxistînêka terorî‘ nîya dabi. Dewleta tirke vera naye vejîyayebî bû qerar kiriştbi mehkemeya berze. Dozgerê mehkemeya berze vat qerarê Mehkemeya Cêrêne ca de yo û no qerar tesdîq kerd. Mehkemeya Belçîka qerarêko tarîxî da ke PKK rêxistina terorî nîya.

Dewaya Belçîka

Tewr peyêne de Mehkemeya Îstînafî 8ê adara 2019î de derheqê di dewayan de panc birî dabi. Mehkeme dabi zanayene ke ''PKK hêzêko çekdarî yê bêdewletî yo''. Îtîrazê dewleta tirke ra dima 20ê adara 2019î de na bire ameye temyîzkerdene.

Dewaya Brukselî derheqê tehqîqatî de serra 2006î de amebî akerdene. 37 kesî û dezgehî amebî hukmkerdene. Di medyaya kurdan û Fîdane Dogan (Rojbîne) zî ameyebî hukmkerdene ke Dogane 9ê çeleyê 2013î de Parîs de ameyebî qetilkerdene.

Derheqê kurdêkê bi nameyê Faysal Doganî de zî heman dewa amebî akerdene. Çolak semedo ke tay hacetî berdî Başûrê Kurdîstanî û dayî PKKyî ameyêne hukmkerdene. Çolak wextêk zîndan de zî mend. Dima ke bire ameye dayene ke PKK rêxistinêka terorîste nîyo mehkeme da zaneyene ke  Çolak na çarçewe de do nêro hukmkerdene.