Hêzanê Sûrîyeya Demokratîke (QSD) keyepelê xo de bîlançoya hêrişanê dewleta tirke yê vera Eyn Îsa û Girê Sipî eşkera kerde ke 15 rojanê peyênan de ameyê kerdene.

Bîlanço wina ya:

''Dewleta tirke ya îşxalkere dewê Mieleq, Seyda, Cidîde, Kampa Eyn Îsa û rêya M4î bi giranî dayî bombayan ver. Qasê 48 topê hewanî, tank û topeştoxî kewtî herême. Dewa Mişêrfe raşta 13 hêrişan ameye û 63 topî kewtî ci.

9ê nîsane de dewa Erîda ya Girê Sipî pê 10 topan ameye hedefkerdene û serê ci de teyarayê keşfî gêrayî. Dewê Um Beramîl, Hiwêce, Fatsa, Gazlî û Sakîroyî yê Eyn Îsayî 5 reyî dîyayî bombayan ver. 40 topî, di bombayî kewtî ci. 16ê nîsane de dewa Gazlî dîyaye bombayan ver û kesê bi nameyê Hesen Hemed El-Selame birîndar bi.

Dewleta tirke bêvengîya hêzanê garantoran (Amerîka û Rûsya) ra îstîfade kena û hêrişanê xo rê dewam kena. Rûsya binpaykerdişê adirbirnayîşî yê Tirkîya peygoş kena.''