Merkezê Çapemenîye û Îrtîbatî yê Hêzanê Sûrîyeya Demokratîke (QSD) bîlaçoya xo ya menga hezîrane eşkera kerde.

Eşkerayîye de nê ameyî parekerdene:

''Bi paştdayîşê Hêzanê Antî Terorî (HAT) ke pabesteyê hêzanê ma yê û hêzanê  Koalîsyonê Mîyanneteweyîyî vera çeteyanê DAÎŞî herêmanê cîya cîyayan de operasyonî dewma kenê.

Hêzanê ma menga hezîrane de vera nuqtayanê rêxistina terorî DAÎŞî 11 operasyonî kerdî. Netîceya operasyonan de zafê înan serçeteyî 17 çeteyî ameyî tepiştene û 2 serçeteyî ameyî kiştene. Nê çeteyan vera xeylêk herêman hêrişê terorî yê xurtî plan kerdêne û semedê hucreyanê nimiteyan ê rêxistina terorî mayîn peyda kerdêne. Hetê bînî ra bi sûîkastan îdarekarê dezgehan û rîsipîyî tehdît kerdêne û binê nameyê 'zekatî' de înan ra fîdye waştêne. Hêzanê ma destna xeylêk çeke, melzameyê leşkerî û teknîkî yê çeteyan ser. Netîceya cipersayîşî de çeteyan îtîraf kerd ke tekîlîya înan bi serçetayanê ke pabesteyê dewleta tirke yê est a.''