'Ruho xoverdayox ê Heftanînî aîdê 15ê Tebaxe yo'

Gerîlayanê HPG û YJA-Starî yê herêma Zagrosî vat: ''Şerê Heftanîn û Zagrosî geşbîyayîşê ruhê 15ê Tebaxe yo û netîceya destkewteyanê Fermandar Egîdî yo.''

Gerîlayanê HPG û YJA-Starî yê herêma Zagrosî ANFyî rê qisey kerd û Hamleya 15ê Tebaxe ercnaye.

Gerîla Serdem Şoreşî vat: ''Hamleya 15ê Tebaxe rayberîya şerê Heftanînî, zîndanan û şarê Kurdîstanî kena. NA roje seba kurdan newerabîyayîş a. Hêzê îşxalkerî wazenê kurdan qir bikerê la nêeşkenê netîce bigêrê. Ma sey gerîlayanê azadîye wayîrê mîrasê 15ê Tebaxe vejîyenê. Ma soz danê şehîdan ke ma do nêverdê dişmen erdê ma de bimano.''

Gerîlaya YJA-Starî Bişenge Avşîn vat: ''Ma serrgêra Hamleya 15ê Tebaxe ya Rayber Apoyî û gerîlayan fîraz kenê. Ruhê 15ê Tebaxe nika rayberîya Cengê Heftanînî kena. Vera îşxalê dewleta tirke Heftanîn de bi destkewteyanê Fermandar Egîdî şer yeno kerdene. No ruh her parçeyê Kurdîstanî de ciwîyeno.''

Gerîla Bahoz Tolhildan vat: ''Xoverdayîşê 15ê Tebaxe têna a roje nêame kerdene, hema zî dewam keno. Bi destpêkerdişê Hamleya 15ê Tebaxe guleyo verên vera dişmen ame eştene û bi nê hawayî kurdî wayîrê ziwan, kultur û nasnameyê xo vejîyayî. ''

Gerîla Zîlane Qoser vat: ''15ê Tebaxe de 36 serrî verê cû Fermandarîya Egîdî de ame vatene ke kurdî estê. A roje ra nata na hamle bena geş û berz. Ruhê Hamleya 15ê Tebaxe mîrasêk a ke xoverdayîşan kena zêdêr. Ma sey gerîlayan nê esasî ser o şinê. ''