Gerîlayanê HPG û YJA-Starî serrgêra 42. ya ronayîşê PKKyî ser o ANFyî rê qisey kerd. Gerîlayan pare kerd ke PKK partîyêka şehîdan a û têkoşînê Rayber Apoyî resa na aste.

Gerîlayê HPGyî Rizgar Welatî vat: ''Têkoşînê PKKyî resa asta dinya. Ciwanê kurd û enternasyonelî vera tewrê PKKyî benê. PKK Vakurê Kurdîstanî de ronîya la pêro parçeyanê Kurdîstanî de xo rêxistin kerd. Pêro dîyalektîk û erjê kurdan parçeyê têkoşînê PKKyî yê. PKKyî rayberîyêka neteweyîye awan kerde. PKK bi têkoşînê xo eşkeno ê kurdê ke ameyî parçekerdene rêxistin bikero û vengê înan biresno dinya. Rayber Apo PKK yo, PKK zî Rayber Apo yo. Gerîlayî beş û perwerê Rayber Apoyî yê.''

Gerîlaya YJA-Starî Evîndare Zagros vat: ''PKK partîyêka winasên a ke zerrîya pêro kurdan de cagirewt. PKK ewro pêro dinya de şinasîyeno. PKK hetê bînî ra partîya şehîdan a PKK bi fikranê Rayber Apoyî bi pîlêr û ewro PKK hêzo meşrû yê kurdan o. Seba PKK yewîya kurdan û têkoşînê seba ci girîng ê. Xoverdayîşê Cengê Heftanînî bi armancê yewîye û azadîya kurdan yeno kerdene. Têkoşînê PKKyî roşnîbîyayîşê merdiman o.''

Gerîla Jîyane Rojevîn zî vat: ''PKK bi xoverdayîş û qesasî resa nê rojan. PKK têgêrayîşêko neteweyî yo. PKK seba şaranê bindestan ronîyayo. Heta ke kurdî azad nêbê têkoşînê PKKyî do nêqedo. Ma seba çi û senî ciwîyenê her kes zaneno. Coka ma do têkoşînê xo dewam bikerê û biresê serkewtişî.''