Tepişteyanê PKK û PAJK’î deklarasyonêk weşana

Tepişteyanê PKK û PAJK’î derheqê tecrîdê serê Rayberê Şarê Kurdî Abdullah Ocalanî de deklarasyonêk pare kerd. Xoverdayoxan da zanayene ke eke waştişê înan ê 7 madeyan nêrê ca, ê do çalakîyanê xo bidomnê.

Bi nameyê tepişteyanê  PKK û PAJK’î  yê ke zîndananê Kurdistan û Tirkîya de sey rehîn yenê tepiştene, Denîz Kaya  deklarasyonêk weşana.

Eşkerayiye de sere de şexsê Mazlûm Dogan, Zekîye, Ronahî û  Berîvanan de şehîdê Newroze ameyî yadkerdene û Roşanê Xoverdayîşî Newroze ameye pîrozkerdene . Xoverdayoxan bale ante tecrîdê serê Rayberê Şarê Kurdî Abdullah Ocalanî ser û va: ‘‘Şexsê Rayberîya ma de konseptê çînkerdiş û qirkerdişî dewre de yo. Tena bi wedartişê tecrîdî no konsept yeno şikitene. Coka ma tepişteyê PKK û PAJK’î  grevê vêşanîye yê bêdêm-bêagêrayîşê biqerardarîya girde domnenê. Reyna ma mehkemayanê AKP-MHP'yî boykot kenê û  nêvejîyenê mehkemeyan. Eke ma bi zorî bêrê berdene, ma do pawitişê xo medê. Se beno wa bibo do xoverdayoşê ma bi qerardarîya pîle dewam bikero. Ganî madeyê ke derheqê tecrîdî de ma do cêr de deklere bikerê , helêk cuwa ver bêrê bicaardene û domnayene. Heta ke nê waştişê ma nêrê ca ma do çalakîyanê xo bidomnê. Wa şarê ma û rayepêroyî bizano ke eke çîyêko xirab bêro ciwîyayene , mesuldarê naye AKP-MHP yo‘‘

Waştişê Xoverdayoxanê Zîndanan wina yê:

1- Wa Rayberîya ma heqê xo yê meşru bişuxlne û merdiman û warîsê xo de pêvînayîş virazo.

2- Wa  Rayberîya ma binîzamî avûkatanê xo pêvînayîşan virazo û nê pêvînayîşî nêrê birnayene.

3- Wa Rayberîya me heqê xo yê telefonî bişxulno û heqê ci yê esasî yê sey mektub û fax şawitiş û girewtiş bêrê ca.

4- Wa  heqê radyo û tv’yî qetî nêro binpaykerdene û waştişê ey ê rojnameyê rojane, komare, kitab ûsn bêrê ca.

5- Wa Rayberîya ma embazê ke cayê ey de înan dir pêvînayîş virazo û heqê ci yê fermî merê pinpaykerdene.

6- Wa seba weşîya Rayberîya ma heyetê xoserî binîzamî ey kontrol bikerê.

7- Wa şertê azad ciwîyayîş û xebityayîşî bêrî ca ke Rayberîya ma sîyaset de aktîf rol bigê û meselayan çare bikero.