Endamê Federasyonê Gazîyan ê Rojawanî Laleş Êzidîyî Laleş Êzidîyî derheqê gazîyanê şerî yê Rojawanî de qisey kerd.

Laleş Êzidîyî dîyar kerd ke keyeyanê şehîdan ra dima tewr zaf gazîyî wayîrê şorişî vejîyenê û vat: ''Şarê Rojawanî destpêkê şorişî ra nata raştê hêrişan yeno. Hema destpêkê Şorişî de ciwanan seba pawitişê erdê xo dest pê rêxistinbîyayîşî kerd. Bedelê zaf pîlî yê şorişî est ê. Ganî komel bi hesasî nêzdîyê gazîyan bibo. Embazê gazîyî îradeyê xo bi îdeolojî û perwerdeyî xurt kenê. Gazîyî hema zî mîyanê şorişî de erkanê xo anê ca. Êyê ke tewr zaf armancê şehîdan anê ca û wayîrê şorişî vejîyenê gazî yê.''

Laleş Êzidîyî ard ziwan ke sîstem û dewletanê hegemonîkan de bi hawayêkê sembolî paştdayîşêko madî dîyeno gazîyan û vat: ''Gazîyê ma seba wayîrvejîyayîşê şorişî hetê îdeolojîkî ra xo xurtêr kenê. Şorişê Rojawanî wayîrê bi hezaran şehîd û gazîyan ê. Coka hêrişê muxtemelî de gazîyê şerî do cewabê hewceyî bidê. Heta ke Rayber Apo û tepişteyê azadîye bêrê veradayene ma do têkoşînê xo rê dewam bikerê.''