'Vera asîmîlasyon û qirkerdişî ma do wayîrê kulturê kurdkî vejîyê'

Hunermendanê TEV-ÇANDî Konferansê 7. yê TEV-ÇANDî de qisey kerd û pare kerd ke ê do vera asîmîlasyon û qirkerdişî wayîrê kulturê kurdan vejîyê.

Têgêrayîşê Kultur û Hunerî (TEV-ÇAND) mabênê 21-28ê çeleyî de Herêmanê Pawitişî yê Medya de pê beşdarîya 93 delegeyan konferansê xo yo 7. kerd. Hunermendanê TEV-ÇANDî konferans de qisey kerd.

Hunermendanê TEV-ÇANDî ra Kurdê Tavya vat: ''Ma pê coş û kelecanî konferansê xo kerd. ma konferans de bire daye ke vera asîmîlasyon û qirkerdişî têna pê hunerî nê pê pêro metodan têkoşîn bikerê.''

Hunermend Gorsê Meretoyî vat: ''Nê wextî ke hêrişê vera Kurdîstanî zêdîyayî konferansê ma bi hawayêkê serkewteyî qedîya. Hunermendê TEV-ÇANDî binê sîwana ci de zaf xebitîyenê û berhemanê kulturîlan afernenê.''

Ekîne Ronî vat: ''Hêzê serdestî seba asîmîlekerdişî huner xebitnenê. Mîsal deyîrê kurdkî pê vateyanê pûçan dizîyayî ameyî kerdene tirkî. Ma vera nê hêrişan têkoşîn kenê. Nameyê şarê kurdî ser o ma do vera asîmîlasyon û hêrişanê qirkerdişî wayîrê ziwan û kulturê xo vejîyê.''

Hunermende Zozane Qamişlo vat: ''Dewleta tirke bi hawayêkê giranî hêrişê kulturê kurdan kena. Kurdî bi serran wayîrê kulturê xo vejîyayî û resayî nê dewrî. Nameyê TEV-ÇANDî ser o ganî ma zî esasê felsefeya Rayber Apoyî de nê kulturî biresnê her kesî.''

Xwezan Harûnî îfade erd ke înan konferans de semedê cewabanê vera hêrişan birê tûjî girewtî.

Delîl Dilpêtî vat: ''Dewleta tirke her roje vana 'Ma PKK qedîna.' Ma pê nê konferansê xo cewab da zûranê înan. Dişmen 100 serrî yo vera şarê ma  polîtîkaya qirkerdişî ano ca. Labelê qet yew hêz hunerî ra xurtêr nîyo.''