Bjorke bi rayîrê ANF’yî derheqê çalakgeranê grevê vêşanîye û rojeyê mergî de qisey kerd û vat, “Ma pîya seba demokrasî û heqanê merdiman ê Kurdistanî, seba azadîya înan têkoşîn kenê.”

Bjorke ard ziwan, a di reyî şîya serdana çalakgeranê grevê vêşanîye yê ke Strasbourg de yê û CPT’î reyde kewta mîyanê têkilîye û vat, “Ganî nika bedilîyayîşêk bêro kerdene. Ma; sîyasetmedarî mecbûr ê ke berpirsîyarîya xo bîyarê ca û têkoşînê şima dewam bikerê. Ez soz dana şima. Ma; Partîya Çepe do dewaya şima rê wayîr bivejîyê û têkoşînê şima yê seba demokrasî, heqanê merdiman û azadîya têkoşînî têkoşînê ma yo zî.”

Bjorke da zanayene, ganî Yewîya Ewropa rejîmê Erdoganî reyde têserekerdişî caverdo û vat, “Wext ameyo ma Tirkîya û Ewropayêka adile û demokratîke awan bikerê. Ma do naye pîya bikerê. Vengdayîşê mi o yo ke sîyasetmedarî berpirsîyarîyanê xo bîyarê ca û tecrîdê serê Ocalanî bêro wedaritene.”