YJCÊ: Şehîde Bêrîvane bîye sembola cinîyan ê êzidîyan

Beyanatî de ame vatene: "Şehîde Bêrîvane bi taybetî wextê hêrişanê vera cinîyan ê Şengalî de bîye wayîrê tewirî, îradeyî û bîye tewrê mîyanê kerwanê şehîdan."

Yewîya Cinîyan ê Ciwanan ê Êzidîyan (YJCÊ) seba serrgêra 3. a Şehîde Bêrîvane Şengalî beyanatêko nuştekî da.

Beyanatê YJCÊ wina yo: "Şehîd rûmet û erjê şarê xoverdayîxî yê ke seba komelêkê azad canê xo feda kerdî. Bi xoverdayîşî, fedakarîye û tekoşînê xo erjanê komelî pawenê û seba pawitişê erj û erdî bi gonaîya xo benê şehîd û bi nê hawayî benê sembolê komelê bindestî. Ma zî sere de sey Yewîya Cinîyanê Ciwanan ê Êzidîyan (YJCÊ) şexsa Bêrîvane Şengalî de pêro şehîdanê 73 fermanan, şehîdanê menga teşrîna peyêne û şehîdanê şorişî yad kenê û ma sond wanenê ke ma do qesasê înan bigêrê û tekoşînê şehîdan geş bikê.

Bi taybetî nê rojanê ke nêzdîyê 25ê Teşrîna Peyêne ya Roja Têkoşînê Vera Şîdetê Serê Cinîyan de vînenê ke hêrd û tersê dişmenan vera cinîyanê ciwanan o. Dişmen xîret keno ke pêro cinîyan çin biko. Hîrê baskan ra hêrişê Cinîyan ê Ciwanan ê Êzidîyan keno. Vera nê hêrişan  Şehîde Bêrîvane bîye tewirêk û îradeyêk û tewrê kerwanê şehîdan bîye. Bi xoverdayîşê Şengalî bîye sembola cinîyan ê êzidîyan û ciwananê êzidîyan. Ewro hezar cinîyî bi rayberîya mîrasê Bêrîvane xo perwerde, rêxistin kenê.

Emrê xo yê tewr ciwanî de embaze Bêrîvane xebatê şorişî girewte xo milî û seba îradeyê pêro cinîyanê êzidîyan bîye mîsal. Eke ma ewro payan ser ê no bi kedaya şehîdan ame meydan. Ma sey Yewîya Cinîyan ê Ciwanan ê Êzidîyan dibare Şehîde Bêrîvan Şengalî yad kenê û sond wanenê ke qesasê ci bigêrê û têkoşînê şehîdan geş bikê."